FRÉTTIR

Lokasýning, jóga og Bugsý Malón

Það er heldur betur fjölbreytt og skemmtileg helgi framundan hjá Menningarfélagi Akureyrar. Lokasýningar Leikfélags Akureyrar af söngleiknum Kabarett fara fram á föstudags- og laugardagskvöld en síðasta sýningin verður sú 27. í röðinni. Þeir sem ekki ætla sér að missa af Kabarett er bent á að hafa hraðar hendur því óðum er að seljast upp á þessa lokahelgi.
Lesa meira

Sýningum á Kabarett lýkur

Síðustu sýningar á söngleiknum Kabarett fara fram í Samkomuhúsinu um helgina. Söngleikurinn hefur fengið skínandi dóma gagnrýnenda og frábærar viðtökur en sýningin á laugardagskvöldið, lokasýningin, verður 27 sýningin. Kabarett er viðamesta og dýrasta uppsetning Menningarfélags Akureyrar frá upphafi en að sama skapi sú söluhæsta en tæplega fimm þúsund manns munu hafa séð söngleikinn þegar sýningum lýkur.
Lesa meira

Styrkir veittir úr listsjóðnum VERÐANDI í fyrsta sinn

Veittir voru styrkir í fyrsta sinn úr listsjóðnum VERÐANDI í Menningarhúsinu Hofi í gær. Það voru 16 umsóknir sem bárust sjóðnum og 10 verkefni sem fengu brautargengi á þessu fyrsta úthlutunartímabili sem er 4. janúar - 31. júlí í ár. Styrkþegarnir tíu munu standa fyrir fjölbreyttum viðburðum í Menningarhúsinu Hofi á þessum tímabili, sem dæmi með nefna Piazolla kvintett tónleikum, dansgjörningi með frumsaminni tónlist, kórtónleikum, útgáfutónleikum, hátíðardagskrá til heiðurs Elísabetu Maríu, jasstónleikum, klassískum tónleikum og popptónleikum ásamt bíótónleikum með lúðrasveit.
Lesa meira

Bókmenntahátíðin í Reykjavík hefst á Akureyri

Bókmenntahátiðin í Reykjavík þjófstartar í Menningarhúsinu Hofi líkt og árið 2017. Bókmenntadagskráin í Hofi verður haldin dagana 23. og 24 apríl, með þátttöku erlendra og innlendra höfunda auk lesenda. Nánari dagskrá verður kynnt síðar en hún er samstarf Menningarfélags Akureyrar, Bókmenntahátíðarnnar í Reykjavík og Amtsbókasafnsins á Akureyri.
Lesa meira

Bugsý Malón mættur í Hof

Hátt í 80 krakkar úr Leikfélagi Verkmenntaskólans á Akureyri, ásamt leikstjóra og aðstoðarleikstjóra, eru nú mætt í Hof til að leggja lokahönd á söngleikinn Bugsý Malón sem frumsýndur verður 8. febrúar næstkomandi.
Lesa meira

Erilsöm en spennandi vika

Framundan er erilsöm en spennandi vika hjá Menningarfélagi Akureyrar. Nú er vorönn Leiklistarskóla Leikfélags Akureyrar að hefjast en kennslan fer fram í Hofi að þessu sinni. Önninni lýkur með sýningu fyrir aðstandendur þann 13. apríl.
Lesa meira

Leikfélag VMA sýnir í Hofi

Leikfélag Verkmenntaskólans á Akureyri mætir með söngleikinn Bugsý Malón í Menningarhúsið Hof í febrúar. Bugsý Malón, eftir Alan Parker, gerist um 1920 í Brooklyn
Lesa meira

Skráningu lýkur á sunnudaginn

Skráningu á vorönn Leiklistarskóla Leikfélags Akureyrar lýkur sunnudaginn 20. janúar. Samkvæmt Jenný Láru Arnórsdóttur, skólastjóra LLA, hafa viðtökur verið góðar og eru námskeiðin óðum að fyllast.
Lesa meira

LÓI og SinfoniaNord – hljómleikabíó

Teiknimyndin LÓI - þú flýgur aldrei einn verður að hljómleikabíósýningu í Hofi og Hörpu í haust. Náðst hafa samningar milli framleiðanda myndarinnar og SinfoniaNord um að sýna kvikmyndina, í Hofi 22. september og í Hörpu stuttu seinna, með lifandi undirleik heillar sinfóníuhljómsveitar undir stjórn tónskáldsins Atla Örvarssonar.
Lesa meira

Sýningum lýkur 9. febrúar

Sýningum Leikfélags Akureyrar á söngleiknum Kabarett lýkur laugardaginn 9. febrúar eftir tæplega 30 sýningar. Söngleikurinn hefur gengið fyrir fullu húsi síðan hann var frumsýndur í Samkomuhúsinu þann 26. október 2018 og hefur fengið frábærar viðtökur, bæði hjá almenningi og gagnrýnendum.
Lesa meira