Leiklistarskóli LA
Skráningar eru hafnar í Leiklistarskóla Leikfélags Akureyrar, einn skemmtilegasta skóla landsins!
Haustönn 2026 hefst 7. september og lýkur 4. desember.
Leiklistarskóli Leikfélags Akureyrar býður upp á markvisst nám í leiklist fyrir börn í 3.-10. bekk grunnskólanna.
Einkunnarorð skólans eru: Leikgleði – Sköpun – Samvinna.
Markmið skólans er að þjálfa nemendur í grunnatriðum leiklistar auk þess að þau kynnist sjálfum sér betur, mannlegu eðli og samfélaginu. Þar að auki læra þau aga, umburðarlyndi og tillitssemi í gegnum hópavinnu sem snýr að sameiginlegu markmiði þátttakenda. Þá verður sérstaklega unnið að því að bæta sjálfsöryggi þeirra og finna styrkleika hvers nemanda.
Í ár verða fjórar deildir við skólann – Grunndeild, Miðdeild, Unglingadeild og Fullorðinsdeild. Frekari upplýsingar um deildirnar og áherslur þeirra má finna hér fyrir neðan auk mikilvægra dagsetninga.
Skólaárið skiptist í tvær 12 vikna annir, haustönn og vorönn. Á fyrri önn er lögð áhersla á að styrkja undirstöður í leiklist hjá nemendum og seinni önn fer í að æfa fyrir lokadag eða lokasýningu deildarinnar. Í ár verða unnin verk út frá samsköpun en þá vinnur hópurinn saman að því að búa til leiksýningu út frá sögu, ljóði, brandara, lagi eða í raun hverju sem er.
GRUNNDEILD – Grunnur að líkama og rödd
Fyrir börn fædd 2016-2018
Kennsla miðar að því að kynna nemendum fyrir mikilvægi raddar og líkama í leikhúsvinnu og grunnatriðum í beytingu þeirra þátta. Þar að auki verður unnið með einbeitingu, rýmisvitund, ímyndunaraflið, samvinnu og sjálfið. Kennsla fer fram í formi leikja, æfinga og samtals. Í lok annar fá nemendur að læra hvernig prufur ganga fyrir sig með því að fara í svokallaðar prufuprufur í næstsíðasta tímanum. Nánari upplýsingar um námið má finna í Kennsluskrá hér til hliðar.
Grunndeild hópur A – þriðjudagar kl. 15:10-16:10
Grunndeild hópur B – miðvikudagar kl. 15:10-16:10
Grunndeild hópur C - fimmtudagar kl. 15:10-16:10
Kennari: Margrét Sverrisdóttir.
Skólagjöld: 60.700 kr. fyrir önnina
Hægt er að nota frístundarstyrk sem hluta af greiðslu.
Boðið er upp á 10% systkinaáfslátt í Leiklistarskóla Leikfélags Akureyrar.
MIÐDEILD – Líkaminn og röddin í frásagnarforminu
Fyrir börn fædd 2014-2015
Kennsla miðar að því að auka þekkingu nemenda á líkama og röddinni, samvinnu, auk þess sem byrjað verður að skoða og læra um frásagnarform leikhússins (grunnþætti leikverks – upphaf-miðja-endir, framvinda, innihald, persónur). Kennsla fer fram í formi leikja, æfinga, verkefna og samtals. Í vetur vinna nemendur sýningu með aðferðum samsköpunnar. Í lok annar fá nemendur að læra hvernig prufur ganga fyrir sig með því að fara í svokallaðar prufuprufur í næstsíðasta tímanum. Nánari upplýsingar um námið má finna í Kennsluskrá hér til hliðar.
Miðdeild hópur A – mánudagar kl. 16:30-18:00
Miðdeild hópur B – þriðjudagar kl. 16:30-18:00
Kennari: Kolbrún Lilja Guðnadóttir
Skólagjöld: 69.200 kr. fyrir önnina
Hægt er að nota frístundarstyrk sem hluta af greiðslu.
Boðið er upp á 10% systkinaáfslátt í Leiklistarskóla Leikfélags Akureyrar.
UNGLINGADEILD – Grunntækni leiklistar og notkun hennar í persónusköpun og frásögn.
Fyrir unglinga fædda 2011-2013
Einföld heimavinna verður sett fyrir til að brúa bilið á milli tíma. Það á ekki einungis við um handritsvinnu heldur einnig efni tengt tímanum sem þau voru í síðast. Nemendur hafa oft nýtt námskeiðið sem valfag.
Kennsla miðar að því að þjálfa nemendur í persónusköpun, frásagnarformum, að nota líkama og rödd, að þjálfa gagnrýna hugsun, sjálfstæð vinnubrögð og samvinnu. Kennsla fer fram í formi leikja, æfinga, verkefna og samtals. Yfir önnina vinna nemendur handrit með aðferðum samsköpunnar sem verður svo æft á vorönn og sýnt á lokasýningum LLA í maí. Í lok annar fá nemendur að læra hvernig prufur ganga fyrir sig með því að fara í svokallaðar prufuprufur í næstsíðasta tímanum. Nánari upplýsingar um námið má finna í Kennsluskrá hér til hliðar.
Unglingadeild hópur A - Miðvikudaga kl. 16:20-18:20
Unglingadeild hópur B – Föstudaga kl. 14:10-16:10
Kennari: Jenný Lára Arnórsdóttir
Skólagjöld: 76.700 kr. fyrir önnina
Hægt er að nota frístundarstyrk sem hluta af greiðslu.
Boðið er upp á 10% systkinaáfslátt í Leiklistarskóla Leikfélags Akureyrar.
FULLORÐINSDEILD
IMPROV – BYRJENDUR
Farið er yfir grunnreglur spunans á skemmtilegan og uppbyggilegan hátt, karaktersköpun og uppbyggingu senu. Kynnt er hugmyndafræðin um „Já og“ en hún nýtist ekki aðeins á sviði leiklistar heldur í allri skapandi vinnu sem og í lífinu sjálfu.
Spuninn ögrar okkur og kennir okkur að vera í núinu.
Engar hæfnikröfur.
Fyrir hverja: Alla áhugasama, 18 ára og eldri.
Kennari: Hólmfríður Hafliðadóttir
Tímasetning: Þriðjudagar kl. 19:30-22:30 og fimmtudagar kl. 19:30-22:30
1.-24. september
Hvar: Menningarhúsinu Hofi - Undirheimum
Skráning: Abler
Verð: 47.500 kr.
Nánari upplýsingar er hægt að fá með því að senda póst á lla@mak.is
IMPROV 2 - FRAMHALD
Námskeið fyrir þá sem hafa klárað IMPROV BYRJENDUR.
Þetta námskeið er fyrir alla sem hafa áhuga á að halda áfram að kynna sér þetta spunaform og öðlast frekari færni. Farið er yfir fleiri reglur spunans á skemmtilegan og uppbyggilegan hátt, karaktersköpun og uppbyggingu senu. Spuninn ögrar okkur og kennir okkur að vera í núinu.
Fyrir hverja: Alla áhugasama, 18 ára og eldri sem hafa klárað byrjendanámskeið í Improv.
Kennari: Hólmfríður Hafliðadóttir
Tímasetning: Þriðjudagar kl. 19:30-22:30 og fimmtudagar kl. 19:30-22:30
- nóvember – 3. desember
Hvar: Menningarhúsinu Hofi - Undirheimum
Skráning: Abler
Verð: 47.500 kr.
Nánari upplýsingar er hægt að fá með því að senda póst á lla@mak.is
LEIKLISTARNÁMSKEIÐ 1 FYRIR FULLORÐNA - BYRJENDUR
Kallar sviðsljósið á þig en þú veist ekki hvar þú átt að byrja?
Ertu feimin/n og langar til að fá þjálfun í að standa frammi fyrir fólki?
Langar þig að fara örlítið út fyrir þægindaramman?
Finnurðu hamingjuna í að standa á leiksviðinu?
Sama hvað af þessu á við þig þá ætti leiklistarnámskeið hjá Leiklistarskóla Leikfélags Akureyrar að höfða til þín. Hóparnir eru ekki of stórir sem þýðir að námskeiðið er einstaklingsmiðað. Kennarinn tekur mið af þörfum hvers og eins.
Farið verður í skemmtilegar og krefjandi æfingar og leiki sem efla sjálfstraust, stækka þægindarammann og virkja ímyndunaraflið. Unnið verður með virkt ímyndunarafl og innri heima persóna.
Taktu skrefið í öruggu umhverfi á leiklistarnámskeiði fyrir fullorðna sem verður haldið í febrúar-mars hjá Leiklistarskóla Leikfélags Akureyrar.
Unnið verður út frá hópnum og hverjum einstakling fyrir sig og er þetta því fullkomið fyrir byrjendur sem og lengra komna!
Fyrir hverja: Alla áhugasama, 18 ára og eldri.
Kennari: Sesselía Ólafs
Tímasetning: Þriðjudagar kl. 19:30-21:30 frá 6. október – 3. nóvember
Hvar: Menningarhúsinu Hofi - Undirheimum
Skráning: Abler
Verð: 45.000 kr.
Nánari upplýsingar er hægt að fá með því að senda póst á lla@mak.is
LEIKLISTARNÁMSKEIÐ 2 FYRIR FULLORÐNA - FRAMHALD
-textagreining og spuni
Hefur þú áhuga á sviðslist/ritlist/frásagnarlist?
Finnst þér gaman að standa á sviði en ert óviss með hvað persónan er að hugsa?
Langar þig að fá aukna innsýn í textavinnu og senugreiningu?
Langar þig að fara örlítið út fyrir þægindarammann?
Sama hvað af þessu á við um þig þá ætti leiklistarnámskeið hjá Leiklistarskóla Leikfélags Akureyrar að höfða til þín. Kennt er í litlum hópum sem þýðir að kennarinn getur tekið mið af þörfum hvers og eins.
Farið verður í skemmtilegar og krefjandi æfingar og leiki sem efla sjálfstraust, stækka þægindarammann og virkja ímyndunaraflið. Kennt verður einfalt kerfi sem hjálpar til við að skýra upplifanir og viðbrögð skáldaðra persóna. Kerfið nýtist bæði í textagreiningum og spuna og er frábær grunnur bæði fyrir leikara, höfunda og alla þá sem hafa áhuga á frásagnarlist.
Þetta er grunnnámskeið í textagreiningu og er því fullkomið fyrir þá sem hafa reynslu af leiklist eða verið á fyrri leiklistarnámskeiðum.
Taktu skrefið í öruggu umhverfi á leiklistarnámskeiði fyrir fullorðna sem verður haldið í febrúar-mars hjá Leiklistarskóla Leikfélags Akureyrar.
Fyrir hverja: Alla áhugasama, 18 ára og eldri.
Kennari: Sesselía Ólafs
Tímasetning: Miðvikudögum kl. 19:30-21:30 frá 7. Október – 4. nóvember
Hvar: Menningarhúsinu Hofi - Undirheimum
Skráning: Abler
Verð: 45.000 kr.
Kennsla fer fram Undirheimum sem er kennslurými okkar í kjallaranum á Hofi.
Við hlökkum til að hitta fyrrum og nýja nemendur við nýtt upphaf Leiklistarskóla Leikfélags Akureyrar.
Skólastjóri Leiklistarskólans er Jenný Lára Arnórsdóttir.
Mögulegt er að hópum verði fjölgað eða þeir sameinaðir eftir fjölda umsókna.
Lágmarksfjölda skráninga þarf til að hópur haldist inni.
Nánari upplýsingar er hægt að fá með því að senda póst á lla@mak.is