Upptakturinn
UPPTAKTURINN 2026
Opnað verður fyrir umsóknir í Upptaktinn 2026 þann 16. janúar
Opið fyrir umsóknir frá 16. janúar - 19. febrúar á miðnætti!
Hlökkum mikið til að taka á móti hugmyndum að tónlistarverkum ykkar!
Upptakturinn - Sköpun í forgrunni!
Verkefni sem styrkir unga tónlistarskapendur með leiðsögn fagfólks – frá hugmynd til sviðs.
Hvað er Upptakturinn?
Upptakturinn er samstarfsverkefni Menningarhússins Hofs og Hörpu.
- Í Upptaktinum er áhersla lögð á að hvetja börn og ungmenni til að semja tónlist og styðja þau í fullvinnslu hugmyndar.
- Ungmenni senda inn lag eða jafnvel hugmynd að lagi á upptakturinn@mak.is. Hugmyndin þarf ekki að vera fullunnin.
- Ungmennin sem komast áfram vinna að útsetningum hugmynda sinna undir leiðsögn reyndra tónlistarmanna í skemmtilegum vinnusmiðjum.
- Að þessu ferli loknu verða til ný tónverk sem flutt verða á tónleikum af atvinnuhljóðfæraleikurum og varðveitt með upptöku á rúv.is.
- Höfundar tónverkanna sitja út í sal og njóta þess að horfa á atvinnuhljóðfæraleikara spila verk þeirra.
Markmið Upptaktsins
- Sköpun – að stuðla að tónsköpun ungs fólks og hvetja börn og ungmenni til að semja eigin tónlist.
- Skráning – að aðstoða börn og ungmenni við að fullvinna hugmyndir sínar í vinnusmiðju og varðveita þannig tónlistina.
- Flutningur – að gefa börnum og ungmennum tækifæri á að upplifa eigin tónlist í flutningi fagfólks við kjöraðstæður á tónleikum í Menningarhúsinu Hofi.
Svona tekurðu þátt:
Ferlið frá hugmynd til verðlauna
Frá vali dómnefndar til uppskeruhátíðar í Hofi
Allar nánari upplýsingar hérna
Verkefnastjóri Upptaktsins er Kristín Sóley Björnsdóttir sem veitir fúslega allar nánari upplýsingar í gegnum upptakturinn@mak.is og í síma 450-1007.
Tónlistarstjóri: Greta Salóme tónlistarkona.
Útsetning verka með þátttakendum og leiðbeinandi í vinnusmiðjum: Greta Salóme tónlistarkona.
