FRÉTTIR

Þjóðlistahátíðin Vaka fer fram dagana 30. maí – 2. júní og alla dagana verður dagskrá í Hofi, námskeið í dansi og söng, hádegishugvekjur og tónleikar öll kvöldin. Upphafstónleikarnir á miðvikudagskvöldið eru jafnframt vortónleikar Félags harmonikuunnenda við Eyjafjörð og sérstakir gestir á tónleikunum verða Dansfélagið Vefarinn og kvennakórinn Embla. Tónleikunum lýkur með almennum dansi.

Hallveig Rúnarsdóttir sópransöngkona og Hrönn Þráinsdóttir píanóleikari koma fram á þriðju tónleikum nýrrar klassískrar tónleikaraðar KÍTÓN sunnudaginn 27. maí í Hofi. Á efnisskrá tónleikanna eru lög íslenskra kventónskálda við ljóð íslenskra kvenljóðskálda.

Fyrsti bæjarstjórnarfundurinn sem verður haldinn í Hofi verður jafnframt síðasti fundur núverandi bæjarstjórnar, en fundir bæjarstjórnar verða í Hofi út þetta ár og það næsta, hið minnsta.

Fornbíladeild Bílaklúbbs Akureyrar hélt í gærkvöld, miðvikudagskvöld, fyrsta fornbílahitting sumarsins við Menningarhúsið Hof. Er ætlunin að vera við Hof frá kl. 20 öll miðvikudagskvöld í sumar, ef veður leyfir, og leyfa fólki að virða fyrir sér glæsibílana að utan sem innan.

Inga Björk Ingadóttir kemur fram á öðrum tónleikum nýrrar klassískrar tónleikaraðar KÍTÓN annað kvöld, þriðjudaginn 15. maí, í Hofi. Inga Björk syngur og leikur á lýru, bæði eigin lög og eins hefur hún útsett sérstaklega fyrir lýruna lög eftir íslenskar og erlendar tónlistarkonur.

Það verður mikið dansað í Hofi um helgina, bæði bókstaflega og á nótnaborðinu. Tveir dansskólar halda nefnilega sýningar í húsinu, auk þess sem ungur píanóleikari heldur tónleika.

Fyrstu tónleikarnir í nýrri tónleikaröð KÍTÓN, félags kvenna í tónlist, fara fram í Hofi sunnudaginn 6. maí. Þetta er fyrsta klassíska tónleikaröð félagsins og á þessum fyrstu tónleikum flytja Erla Dóra Vogler, mezzósópran, og Eva Þyri Hilmarsdóttir, píanóleikari, sönglög eftir Jórunni Viðar.

Það verður boðið upp á fjölbreyttan menningarkokkteil í Samkomuhúsinu og Hofi um helgina.

Stórsýning Menningarfélags Akureyrar 2018-2019 verður söngleikurinn KABARETT Öll svið Menningarfélags Akureyrar, leiklistar-, tónlistar- og viðburðasvið, sameinast um að setja upp hinn heimsþekkta söngleik Kabarett eftir þá John Kander, Fred Ebb og Joe Masteroff í Samkomuhúsinu í haust. Um er að ræða fyrsta verkefni Mörtu Nordal sem nýs leikhússtjóra Leikfélags Akureyrar og mun hún sjálf leikstýra sýningunni, en tónlistarstjóri verður Þorvaldur Bjarni Þorvaldsson, tónlistarstjóri MAk og listrænn stjórnandi SN.

Vegna fjölda fyrirspurna hefur Leikfélag Akureyrar, í samvinnu við Sjeikfélag Akureyrar, ákveðið að bæta við aukasýningu á hinu sprenghlægilega gamanverki Sjeikspír eins og hann leggur sig!