Forsölutilboð fram að verslunarmannahelgi!

Leikfélag Akureyrar frumsýnir margverðlaunaða söngleikinn Litlu Hryllingsbúðina í Samkomuhúsinu í október 2024.

Leikstjóri er Bergur Þór Ingólfsson.

Söngleikurinn Litla Hryllingsbúðin eftir Howard Asman og Alan Menken hefur farið sigurför um heiminn frá því að hann var frumsýndur á Broadway árið 1982 enda hefur hann allt sem prýðir bestu söngleiki; krassandi sögu, heillandi persónur og frábæra tónlist.

Sagan af blómasalanum Baldri og plöntunni ógurlegu er löngu orðin klassík í hugum áhorfenda og höfðar til allra kynslóða. Þetta er hjartnæm, spennandi og fyndin saga með tónlist sem lætur engan ósnortinn.

Árin 1960 og 1986 komu út kvikmyndir eftir söngleiknum sem báðar hlutu mikið lof gagnrýnenda.

Söngleikurinn var fyrst fluttur hér á landi af Hinu leikhúsinu árið 1985 í Gamla bíói en næstu frumsýningar voru í Borgarleikhúsinu árið 1999 og og hjá Leikfélagi Akureyrar árið 2006 í leikstjórn Magnúsar Geirs Þórðarsonar.

LITTLE SHOP OF HORRORS
Höfundur Howard Ashman
Tónlist Alan Menken
Upphaflega framleitt í New York af WPA Leikhúsinu