Kíktu á æfingu á hinni ástsælu fjölskyldusýningu Skilaboðaskjóðunni eftir Þorvald Þorsteinsson sem frumsýnd verður í febrúar. Einnig verður tekin stutt sena úr Fasteignamartröðinni, sem er beittur og meinfyndinn spegill á raunveruleika ungs fólks í dag í fáranlegu ferðalagi um fasteignamarkaðinn. Að endingu brunar leikhópur LA á ógnarhraða í gegnum 120 ára sögu Samkomuhússins til að hita upp fyrir stórafmæli Samkomuhússins í janúar.