Fara í efni
Dags Tími
19 .des 16:00
20 .des
21 .des
22 .des
23 .des
24 .des
25 .des
26 .des
27 .des
28 .des
29 .des
30 .des
31 .des
01 .jan
02 .jan
03 .jan
04 .jan
05 .jan
06 .jan
07 .jan
08 .jan
09 .jan
10 .jan

Myndlistarkonan Freyja Reynisdóttir opnar sýninguna Sannleiks-breytur laugardaginn 7. nóvember í Menningarhúsinu Hofi á Akureyri klukkan 16.

 

Freyja er fædd árið 1989 og hefur undanfarið ár búið og starfað sem myndlistamaður á Akureyri eftir nokkurra ára dvöl í Berlín, Þýskalandi. Hún útskrifaðist úr Myndlistaskólanum á Akureyri árið 2014 og stundar nú meistaranám í frjálsri myndlist við Listaháskóla Íslands. Auk fjölda sýninga hér á landi hefur hún sýnt verk sín, bæði á einka- og samsýningum, í Danmörku, Bandaríkjunum, Þýskalandi, Frakklandi og á Spáni. Þá er hún einn af stofnendum Kaktus listasamsteypunnar á Akureyri.

 

Freyja segist heilluð af mismunandi skilgreiningum á sannleik. „Í mínum huga er sannleikur víðfeðmari en þau orð sem ég get safnað saman til að lýsa honum. Skilgreiningar á sannleik eru háðar getu mannsins til að tjá skilning hans á honum. Þær eru leiddar af því sem sammælst hefur verið um í heimi tungumálanna, sem við svo notum til að koma hinu þekkta áleiðis,“ segir Freyja.

Nánar er hægt að lesa um sýninguna á vefslóðinni www.freyjareynisdottir.com

 

Sýningin í Hofi stendur til og með 10. janúar 2021.