Leikfélag Akureyrar frumsýnir fallegu sýninguna Litla skrímslið og stóra skrímslið í janúar 2024 í Svarta kassanum í Hofi. Miðaverð aðeins 3500 kr.
VIÐ ERUM BÚIN AÐ BÆTA VIÐ SÝNINGUM UM PÁSKANA! ÞÆR SÝNINGAR FARA FRAM Í SAMKOMUHÚSINU EN EKKI HOFI.
Leikritið Litla skrímslið og stóra skrímslið er falleg og einlæg saga um vináttu og samskipti. Verkið er sérstaklega ætlað yngri börnum þó fullyrða megi að öll fjölskyldan muni hafa gaman að uppátækjum og hjartnæmu sambandi skrímslanna. Eins og mannfólkið eru skrímslin ólík sem stundum getur verið erfitt en smám saman læra þau að sjá kosti hvors annars og styrkja þannig vináttu sína.
Verkið um Litla skrímslið og stóra skrímslið er byggt á vinsælum bókum Áslaugar Jónsdóttur en þær hafa slegið í gegn hjá börnum frá fyrstu útgáfu árið 2004 og verið þýddar á ótal tungumál.
Þetta er í annað sinn sem leikritið um Litla skrímslið og stóra skrímslið er sýnt í atvinnuleikhúsi en verkið var frumsýnt í Þjóðleikhúsinu árið 2011 í leikstjórn Þórhalls Sigurðssonar við frábærar undirtektir.
Höfundur Áslaug Jónsdóttir
Leikstjóri Jenný Lára Arnórsdóttir
Leikmynd og búningar Björg Marta Gunnarsdóttir
Gervi: Harpa Birgisdóttir
Tónlist Þorvaldur Bjarni Þorvaldsson
Leikarar Margrét Sverrisdóttir og Hjalti Rúnar Jónsson
Hljóð og ljós Árni F. Sigurðsson og Benni Sveinsson.
Sýningastjóri Unnur Anna Árnadóttir