Fara í efni
Sinfóníuhljómsveit Norðurlands
Dags Tími
30 .maí 16:00
Verð: 7.900 kr.

Hin kraftmikla GLORIA eftir Antonio Vivaldi verður flutt af Sinfóníuhljómsveit Norðurlands ásamt Kammerkórnum Hymnodia og einsöngvurum.

Á efnisskánni er einnig Concerto í C fyrir tvo trompeta og hljómsveit eftir Antonio Vivaldi og Credo in F eftir Antonio Lotti.

Einsöngvarar verða Hildigunnur Einarsdóttir og Helena Guðlaug Bjarnadóttir, Einleikarar á trompet Vilhjálmur Ingi Sigurðarson og Jóhann Stefánsson.
Stjórnandi er Eyþór Ingi Jónsson. 

Páskatónleikar Sinfóníuhljómsveitar Norðurlands eru jafnan vinsælustu tónleikar dagskrárárs hennar. Undanfarin ár hafa þeir verið endurteknir í Reykjavík fyrir fullu húsi í Hallgrímskirkju og Langholtskirkju. Því miður verður ekki af því núna vegna fjöldatakmarkana.

Á tónleikunum mun umdæmisstjóri Rótarýhreyfingarinnar á Íslandi, Soffía Gísladóttir í Rótarýklúbbi Akureyrar, veita tveimur afburðatónlistarkonum glæsilega styrki sem árlega eru veittir til tónlistarnemenda í framhaldsnámi á háskólastigi. Styrkveitingin fer nú í fyrsta skipti fram utan höfuðborgarsvæðis. Af þessu tilefni syngur Bryndís Guðjónsdóttir sópransöngkona aríu. Um undirspil sér okkar landsþekkti píanóleikari, Helga Bryndís Magnúsdóttir. Auk þess mun Erna Vala Arnardóttir leika La Valse eftir Ravel.