Einar Jóhannesson klarínettuleikari og Alessandra Pompili píanóleikari leika rómantísk tónverk hjónanna Clöru og Robert Schumann og samtímamanns þeirra Norbert Bürgmuller.

Frumflutt verða tvö sönglög í hljóðfæraútsetningu eftir Jón Hlöðver Áskelsson en þau heita Hamingja og Akureyri. Glænýtt verk sem nefnist Bútasaumur eftir John Speight verður einnig á dagskrá.

Gondóla verk eftir Mendelssohn og Lizst fyrir sóló píanó mun hljóma sem og hið bráðfjöruga verk Tilbrigði um Karnival í Feneyjum eftir Paul Jeanjean.

Einar Jóhannes­son fæddist í Reykja­vík og lærði á klarínettu við Tón­listar­skól­ann í Reykja­vík hjá Gunn­ari Egil­son og síð­ar við The Royal Col­lege of Music í Lond­on hjá Bern­ard Walt­on og John McCaw. Þar hlotn­uð­ust hon­um hin virtu Fred­er­ick Thurst­on verð­laun sem veitt eru í minn­ingu þess áhrifa­mikla enska klarínettu­leik­ara. Árið 1976 vann Einar sam­keppni í Lond­on um að taka þátt í verk­efn­inu Live Music Now sem Sir Yehudy Men­uhin stofn­aði og gaf ungu tón­listar­fólki tæki­færi til að halda tón­leika víða um Eng­land. Þrem­ur ár­um síð­ar hlaut hann Sonn­ing verð­laun­in dönsku sem veitt voru ungu nor­rænu tón­listar­fólki. Ís­lensk tón­skáld hafa verið dug­leg við að semja verk handa Einari og hef­ur hann komið fram á tón­listar­há­tíð­um um all­an heim sem ein­leik­ari og flytj­andi í kammer­músík.
Ein­ar var leið­andi klarínettu­leik­ari í Sin­fóníu­hljóm­sveit Ís­lands í rúma þrjá ára­tugi, frá 1980 til 2012. Hann er einn af stofn­end­um Blásara­kvint­etts Reykja­vík­ur og er fé­lagi í miðalda­söng­hópn­um Voces Thules.

Alessandra Pompili fædd­ist í Róm og nam þar píanó­leik undir hand­leiðslu hins virta Argent­íska píanó­leik­ara og tón­skálds Sergio Cal­ligar­is og út­skrif­að­ist með láði frá L’Aquila Tón­listar­akademí­unni. Það­an hélt hún til Par­ísar og nam hjá Arnaldo Graz­iosi og Mar­cella Crud­eli við École Norm­ale de Mus­ique og lauk því námi einn­ig með láði. Hún gaf sér tíma eftir það til að sinna öðr­um áhuga­mál­um og hóf nám í lista­sögu og forn­leifa­fræði. Síð­an fór hún til Eng­lands og lauk meistara­námi í forn­leifa­fræði við Manch­ester Uni­ver­si­ty. Hún lauk svo doktors­námi við sama skóla í lista­sögu og forn­leifa­fræði.
Alessandra er staðar­pían­isti hjá Dante Alig­hieri fé­lag­inu í Manch­ester og hef­ur ný­lega ver­ið ráð­in sem tón­listar­ráð­gjafi hjá Mirak kammer­músík­fé­lag­inu í Arling­ton í Banda­ríkj­un­um. Hún hefur víða hald­ið tón­leika með­al ann­ars á Ítalíu, Bret­landi, Ung­verja­landi, Ís­landi, Þýska­landi, Pól­landi og í Banda­ríkju­n­um.