Fara í efni
Forsölutilboð
Dags Tími
27 .jan 20:00
28 .jan 20:00
02 .feb 20:00
03 .feb 20:00
04 .feb 20:00
09 .feb 20:00
10 .feb 20:00
11 .feb 20:00
Verð: 7.120 kr.

Tryggðu þér miða á CHICAGO á forsölutilboði! Ef þú kaupir miða á sýninguna fyrir 15. október færðu miðann á 7120 krónur. Fullt verð er 8900 kr. Ekki missa af þessu frábæra tilboði á þennan heimsfræga söngleik. 

Söngleikurinn Chicago eftir John Kander, Fred Ebb og Bob Fosse er einn þekktasti og vinsælasti söngleikur allra tíma og hefur unnið til fjölda verðlauna. Chicago var frumsýndur á Broadway árið 1975 og sló strax í gegn en uppsetningin frá árinu 1996 gengur enn fyrir fullu húsi og er ein sú langlífasta á Broadway frá upphafi. Hafa ófáar kvikmyndastjörnur tekið að sér aðalhlutverkin m.a. Pamela Anderson, Brooke Shields og Melanie Griffith. Samnefnd kvikmynd frá árinu 2002 með Catherina Zeta Jones, Rene Zellweger og Richard Gere í aðalhlutverkum sló einnig í gegn og vann til fjölda óskarsverðlauna m.a sem besta kvikmyndin.

Sagan gerist á þriðja áratug síðustu aldar í hinni spilltu og lostafullu Chicagoborg þar sem svik og prettir eru daglegt brauð. Glæpakvendin Velma Kelly og Roxy Hart berjast um athygli fjölmiðla í von um frægð og frama og þrátt fyrir að vera báðar undir lás þá svífas þær einskis til að slá í gegn. Chicago er meinfyndin og skemmtileg ádeila á spillingu og yfirborðsmennsku fjölmiðla og réttarkerfisins. Hann iðar af fjöri, hispursleysi og húmor ásamt ógleymanlegri tónlist og dansatriðum sem kitla öll skynfæri.

Þetta er í fyrsta sinn sem þessi vinsæli og margverðlaunaði söngleikur er sýndur á Akureyri í atvinnuleikhúsi. Chicago var fyrst sýnd í Þjóðleikhúsinu 1985 í þýðingu Flosa Ólafssonar og svo aftur í Borgarleikhúsinu árið 2005. 

 

Uppfærslan er samstarfsverkefni Leikfélags Akureyrar og Sinfóníuhljómsveitar Norðurlands. 

Leikstjóri: Marta Nordal
Tónlistarstjóri: Þorvaldur Bjarni Þorvaldsson
Danshöfundur: Lee Proud
Leikmynd: Eva Signý Berger
Búningar: Björg Marta Gunnarsdóttir
Ljósahönnuður: Ólafur Ágúst Stefánsson
Hljóðmaður: Sigurvald Ívar Helgason
Þýðing: Gísli Rúnar Jónsson