Páskatónleikar Sinfóníuhljómsveitar Norðurlands, Skírdag. 6. apríl í Hofi

Brandenborgarkonsert Bachs nr 5 og kórverk hans um þrautagöngu og leyndardóma handan grafar og dauða mæta sturlaðri og sundurskotinni skrumskælingu á einleikskonsert barrokktímans.

Undir stjórn hljómsveitarstjórans Bjarna Frímanns Bjarnasonar flytur Sinfóníuhljómsveit Norðurlands ásamt kammerkórnum Hymnodia og einleikurum nokkur af fegurstu verkum Bachs og hinn stórmerkilega og kostulega Concerto Grosso eftir Alfred Schnittke. Einleikarar eru Greta Salóme Stefánsdóttir, Petrea Óskarsdóttir, Bjarni Frímann Bjarnason, Pétur Björnsson og Guðbjartur Hákonarson.

Efnisskrá:

Brandenborgarkonsert númer 5 - J.S.Bach

Christ lag in Todesbanden BWV 4 - J.S.Bach

HLÉ

Concerto Grosso nr. 1 - Alfred Schnittke

Komm, O Tod, du Schlafes Bruder úr kantötu BWV 56 - J.S.Bach