Fara í efni
Dags Tími
08 .okt '21 20:30

Ágætu gestir athugið að Hamraborg er eitt sóttvarnarhólf sem tekur 500 manns í sæti og því þarf ekki að fara í hraðpróf fyrir  viðburðinn, en grímuskylda er á meðan á honum stendur. Gestir eru hvattir til að viðhafa einstaklingsbundnar sóttvarnir og gæta að fjarlægðarmörkum í almenningsrými. Veitingasala er opin fyrir viðburðinn og í hléi.

 

Ari Eldjárn og Jón Ólafsson fara í gegnum stórbrotinn feril þess fyrrnefnda í tali og tónum. Uppistand, sögur, grín, glens og músík verða í öndvegi og nokkuð ljóst að enginn fer samur heim. Ari Eldjárn hefur verið fremsti uppistandari þjóðarinnar um nokkra hríð auk þess sem hróður hans borist víða um heim.

Spjalltónleikaröð Jóns Ólafssonar, Af fingrum fram, hefur gengið fyrir fullu húsi undanfarin 12 ár og er ekkert lát á. Hér er á ferðinni kvöldstund sem er engri lík.