Fara í efni

Velheppnaðir tónleikar Upptaktsins

Velheppnaðir tónleikar Upptaktsins, tónsköpunarverðlauna barna og ungmenna, fóru fram í Menningarhúsinu Hofi á sunnudaginn. Þar voru tíu verk ungskáldanna flutt af atvinnuhljóðfæraleikurum. Kristín Sóley Björnsdóttir, viðburðastjóri Menningarhússins Hofs segir tónleikana hafa tekist afar vel.

„Ég held að mér sé óhætt að segja að ekki hafi verið þurrt auga í salnum eftir flutning verkanna tíu. Ég fann sterkt hversu stolt ungu skáldin voru af verkum sínum, svo ekki sé talað um áheyrendur enda ekki á hverjum degi sem atvinnuhljóðfæraleikarar flytja verk eftir svo ung tónskáld. Við erum ríkt samfélag með svo hæfileikarík og skapandi ungmenni í tónlist,“ segir Kristín Sóley.

Um útsetningu verkanna fyrir hljómsveit sá Kristján Edelstein og Greta Salóme en Greta er einnig tónlistarstjóri Upptaktsins.

Unghöfundarnir og verk þeirra :

Aðalheiður Jóna Kolbeins Liljudóttir – Tröll og grjót

Daníel Hrafn Ingvarsson- Who are you tryna fool

Gísli Freyr Sigurðsson- Wicked WonderLand

Heimir Sigurpáll Árnason - Kveðja til þín

Jóhann Valur Björnsson - Uncertain River

Lea Dalstein Ingimarsdóttir – Fuglinn

Mahaut Ingiríður Matharel – XLIX

Óðinn Atlason- Desember

Reginn Ólafur Egilsson- Geimveran

Þórný Sara Arnarsdóttir og Amanda Eir Steinþórsdóttir - Loginn

Upptakturinn er fyrir börn og ungmenni í 5. - 10. bekk og er samstarfsverkefni Menningarhússins Hofs og Upptaktsins í Hörpu. Verkefnið er styrkt af SSNE.

 

Til baka