Vel heppnaðir tónleikar Upptaktsins í gær!
Frá vinstri aftari röð; Kristín Sóley, Eyþór Ingi, Eydís, Stefán, Kristján, Ágúst Þór, Emil Þorri og Greta Salóme.
Það voru spennt ungtónskáld og gestir þeirra sem settust með fiðrildi í maganum inn í Hamraborg í Hofi í gær, sunnudaginn 19. apríl. Þar fóru fram afar vel velheppnaðir tónleikar Upptaktsins, tónsköpunarverðlauna barna og ungmenna. Sjö verk eftir börn á aldrinum 10, 11 og 12 ára voru þar frumflutt við mikinn fögnuð gesta. Popplög, nýklassík, kletzmer og nútímaverk barnanna fengu að njóta sín í flutningi atvinnuhljóðfæraleikara í útsetningu Gretu Salóme.
„Ég held að mér sé óhætt að segja að ekki hafi verið þurrt auga í salnum eftir flutning verkanna sjö og fagnaðarlætin svo innileg í lok hvers flutnings. Ég fann sterkt hversu stolt ungskáldin voru af verkum sínum, svo ekki sé talað um áheyrendur enda ekki á hverjum degi sem atvinnuhljóðfæraleikarar flytja verk eftir svo ung tónskáld. Við erum ríkt samfélag með svo hæfileikarík og skapandi ungmenni í tónlist,“ segir Kristín Sóley Björnsdóttir, viðburðastjóri Menningarfélags Akureyrar og verkefnastjóri Upptaksins.
Unghöfundarnir og verk þeirra :
Freyja Rán Kristínardóttir - Snjóstormur
Guðný Lilja B. Ásgeirsdóttir – Draumar
Hákon Geir Snorrason – Saman
Ólöf Birna Kristjánsdóttir
Ólöf Braga Ívarsdóttir – Tímavélin
Sandra Ósk Ragnarsdóttir Lieske
Þorvaldur Adam Ásgeirsson – Blíða
Hljómsveit Upptaktsins:
Emil Þorri Emilsson – slagverk
Eydís S. Úlfarsdóttir - víóla
Eyþór Ingi Jónsson – flygill
Greta Salóme – fiðla og söngur
Kristján Edelstein – gítar
Stefán Ingólfsson - bassi
Ágúst Þór Brynjarsson - söngur og gítar
Upptakturinn á Akureyri er fyrir börn og ungmenni í 5. - 10. bekk á Norðurlandi eystra og er samstarfsverkefni Menningarfélag Akureyrar og Upptaktsins í Hörpu. Verkefnið er styrkt af SSNE.