Margmenni var á leiksýningunni Gutti & Selma og ævintýrabókin

Margmenni var á leiksýningunni Gutti & Selma og ævintýrabókin í Hömrum í Hofi á sunnudaginn. Það var leikhópurinn Ævintýrahúsið sem flutti verkið en leikstjóri sýningarinnar er Pétur Guðjónsson og aðstoðarleikstjóri Jokka Birnudóttir. Sýningin er annar viðburður vetrarins af Barnamorgnum í Hofi. Næsti barnamorgunn verður 4. nóvember þegar Sigrún Magna verður með krílasöngva fyrir minnstu börnin. Norðurorka er styrktaraðili Barnamorgna Menningarfélags Akureyrar. Ekkert þátttökugjald er á Barnamorgnum.