Mak auglýsir eftir tæknimanni

Tæknimaður, almenn tæknivinna hjá Menningarfélagi Akureyrar með áherslu á ljósavinnu.

 

Helstu verkefni:

- Vinna við uppsetningu búnaðar fyrir sýningar, tónleika, ráðstefnur og aðra viðburði, bæði utanaðkomandi og á vegum Menningarfélags Akureyrar.

- Keyrsla á viðburðum. Ljós, hljóð, mynd, sviðsvinna og önnur tilfallandi verkefni sem tengjast viðburðum.

- Dagleg verkefni tæknideildar, svo sem undirbúningur fyrir ráðastefnur, fundi og tónleika.

- Halda utanum og skrá þjónustu og notkun leigjenda á tækjum

- Sinna viðhaldi tæknibúnaðs, þrifum og öðru.

- Þátttaka í öðrum verkefnum MAk í samráði við tæknistjóra og annað starfsfólk.

 

Kröfur:

- Þekking á ljósabúnaði, þeim hugtökum sem tengjast því og grundvallar þekking á rafmagni.

- Áhugi, reynsla og þekking á viðburðum og tæknibúnaði sem tengist þeim.

- Jákvæðni og þjónustulund. Starf tæknimanns snýst um að þjónusta viðskiptavini, listamenn og viðburðarhaldara.

 

Vinnutími getur verið sveigjanlegur eftir verkefnastöðu. Viðburðir eru oft á kvöldin og um helgar en vinnufyrirkomulag er ákveðið í samráði við tæknistjóra.

 

Menningarfélagið framleiðir leiksýningar, rafmagnaða- og klassíska tónleika, ráðstefnur og fundi auk þess sem að félagið rekur upptökuhljóðver þar sem meðal annars fara fram upptökur á sinfónískri kvikmyndatónlist.

 

Gunnar Sigurbjörnsson, tæknistjóri MAk hefur umsjón með ráðningu ásamt framkvæmdastjóra. Umsóknarfrestur er til og með 1. júlí 2018. Skila þarf inn ferilskrá ásamt umsóknarbréfi á netfangið umsoknir@mak.is. Í umsóknarbréfi skulu tilgreindar helstu ástæður fyrir umsókninni ásamt rökstuðningi fyrir hæfni viðkomandi í starfið.