Krufning á sjálfsmorði samstarfsverkefni Leikfélags Akureyrar, LHÍ og Þjóðleikhússins
Útskriftarnemendur leikarabrautar LHÍ takast á við nýtt og ögrandi samtímaleikverk sem vakið hefur verðskuldaða athygli um allan heim. Krufning á sjálfsmorði eftir Alice Birch verður frumsýnt sunnudaginn 30. maí nk. í Kassanum.
Sýningin er samstarfsverkefni Listaháskóla Íslands, Þjóðleikhússins og Leikfélags Akureyrar og er hluti af útskriftarhátíð LHÍ.
Hvað mótar persónu okkar mest? Erfðir, uppeldi eða samfélagsleg áhrif?
Við fylgjumst með þremur kynslóðum kvenna sem segja sögu sína samtímis á sviðinu.
Hér glíma útskriftarnemarleikarabrautar LHÍ við áleitnar spurningar um dekkri hliðar sálarlífsins og hvernig áhrif áfalla og
sorgar virðast geta varað mann fram af manni. Verkið er hárbeitt í umfjöllun sinni um þær áskoranir sem ungt fólk þarf að takast á við, en leiftrandi samtöl og gráglettið grín gera það um leið stórskemmtilegt.
Alice Birch er eitt áhugaverðasta ungaleikskáld Breta. Krufning á sjálfsmorði var frumsýntí Royal Court leikhúsinu í London í leikstjórn Katie Mitchell og hlaut Susan Smith Blackburn-verðlauninárið 2018.
Útskriftarnemendur: Níels Thibaud Girerd, Ellen Margrét Bæhrenz, Björk Guðmundsdóttir, Fannar Arnarsson, Urður Bergsdóttir, Örn Gauti Jóhannsson, Stefán Þór Þorgeirsson, Kristrún Kolbrúnardóttir, Almar Blær Sigurjónsson.
Einnig koma fram í sýningunni þau Anna María Tryggvadóttir, Arnþrúður Karen Viktorsdóttir og Skúli kanína.
Listrænir stjórnendur:
Leikstjóri: Marta Nordal
Með leikstjóri og verkefnastjóri: Anna María Tómasdóttir
Leikmynd og búningar: BrynjaBjörnsdóttir
Tónskáld: Ísidór Jökull Bjarnason
Ljósahönnun: Ólafur ÁgústStefánsson
Þýðing: Salka Guðmundsdóttir
Tæknimaður: Þóroddur Ingvarsson
Leikmyndasmíði: Egill Ingibergsson, Friðjón Ólafssson
Dagskrá:
- maí2021 - sun. 20:00
- jún. 2021 -þri. 20:00
- jún. 2021 - mið. 20:00
- jún. 2021 - fim. 20:00
- jún. 2021 - fös. 20:00
- jún. 2021 - lau. 20:00
- jún. 2021 - sun. 20:00
Frítt er inn á allar sýningar en panta þarf miða á tix.is.
Sýning er 2 klst og 30 mín með hléi.