Höfundahasar í Hömrum í Hofi
Það verður sannkallaður höfundahasar fimmtudaginn 19. maí þegar barnabókahöfundar lesa upp úr eigin verkum í Hömrum í Hofi. Barnabókahöfundarnir Bjarni Fritzson, Brynhildur Þórarinsdóttir og Gunnar Helgason mæta með bækurnar sínar.
Rán Flygering, barnabókahöfundur og myndskreytir snarteiknar á staðnum eins og henni einni er lagið. Áhugasamir geta prófað í lok viðburðar að snarteikna með hjálp Ránar.
Upplestur vinningshafa Upphátt, upplestrarkeppni grunnskólanna á Akureyri, Snjóki M. Gunnarsson í Oddeyrarskóla kemur fram.
Kynnar eru nemendur úr Nausta- og Giljaskóla.
Viðburðurinn hefst klukkan 16.30.
Enginn aðgangseyrir - verið öll hjartanlega velkomin!
Viðburðurinn er á vegum Menningarhússins Hofs í samstarfi við Barnabókmenntasetur Íslands, Nausta- og Giljaskóla. Viðburðurinn er styrktur af Uppbyggingasjóði Norðurlands eystra og Akureyrarbæ.