Hlátur, hugmyndir og húrrandi fjör

Það verður boðið upp á fjölbreyttan menningarkokkteil í Samkomuhúsinu og Hofi um helgina.

Í Samkomuhúsinu sýnir Leikfélag Akureyrar frussandi fyndna gamanleikinn Sjeikspír eins og hann leggur sig! í allra síðasta skipti í kvöld, föstudagskvöld.

Á laugardag opnar Guðmundur Ármann sýningu sína, Hugmyndir, í Hofi. Við opnunina flytur Guðlaugur Viktorsson tónlist.

Hof breytist svo í Rauðu mylluna (Moulin Rouge) á laugardagskvöld, en mikið er um dýrðir í þessari fjörugu tónleikasýningu.

Á sunnudag verður svo vor í lofti í Hofi, þegar Margrét Árnadóttir sópran og Daníel Þorsteinsson píanóleikari flytja þýsk, íslensk og norræn ljóð sem tengjast blómum og vorinu á einhvern hátt.