Fara í efni

Bríet í Hofi á sunnudaginn

Á sunnudaginn mun engin önnur en söngkonan Bríet stíga á svið Hamraborgar í Hofi á Sumartónum Ungmennaráðs Akureyrar og Menningarhússins Hofs í tilefni af Barnamenningarhátíðinni á Akureyri.

Norðlenska söngkonan Eik Haraldsdóttir mun einnig koma fram á tónleikunum. Eik slær taktinn inní sumarið ásamt Agli Andrasyni meðleikara sínum. Þau munu hita tónleikagesti Hofs upp fyrir Bríeti, sem mun ásamt Rubin Pollock gítarleikara spila sín uppáhalds lög í bland við eigið efni.

Tónleikarnir Sumartónar setja punktinn yfir I-ið á Barnamenningarhátíðinni á Akureyri í ár.

Frítt er inn á tónleikana en allir gestir þurfa að tryggja sér miða á mak.is eða í miðasölu í Hofi. Muna grímuskyldu.

Tónleikarnir hefjast kl. 14 og eru í klukkustund.

Tónleikarnir eru styrktir af Akureyrarbæ.

Til baka