Kaupa miða
Dagsetningar og tími:
28.03.2019 - kl. 20:00
05.04.2019 - kl. 20:00
12.04.2019 - kl. 20:00
Verð frá: 3.500 kr.
Salur: Samkomuhúsið

Skjaldmeyjar hafsins

Hjartnæmt heimildaverk um blákaldan sannleikann sem konur sjómanna glíma við þegar erfiðleikar steðja að úti á hafi.

Skjaldmeyjar hafsins er nýtt leikverk úr smiðju þeirra sem sýndu heimildaleikverkið Elska – ástarsögur Norðlendinga, sem var ein vinsælasta gestasýningin hjá LA haustið 2016. Þá var umfjöllunarefnið ástin en í þetta sinn eru það ónefndar hetjur hafsins, eiginkonur sjómanna, sem eru umfjöllunarefnið.

 

Í verkinu skyggnumst við inn í líf þriggja eiginkvenna sjómanna og kynnumst þeirra sýn á lífið og hvernig þær tækla óvissuna, óttann og sorgina þegar háska ber að á hafi úti og þær eru í landi.

 

Sjómennska hefur verið samofin íslensku samfélagi frá alda öðli. Fáar stéttir lenda í þeim háska og áskorunum sem sjómenn standa frammi fyrir í starfi sínu. Starfi sem krefst æði mikils af þeim, jafnvel lífs þeirra. Af því eru til margar sögur. Hins vegar fer minna fyrir sögum um eiginkonur þeirra; konurnar sem ganga í gegnum óttann og óvissuna og örlögin með þeim á einn eða annan hátt. Konurnar sem sjá um heimili, börn og buru á meðan þeir eru í löngum túrum. Þær sem bíða milli vonar og ótta í öllum veðrum og eru jafnvel sjálfar að takast á við sína eigin erfiðleika á sama tíma og þær eru stoð og stytta sjómannsins, fjölskyldunnar og heimilisins. Hérna eru þeirra sögur.

Höfundur og leikstjóri: Jenný Lára Arnórsdóttir

Tónlistarstjóri: Ármann Einarsson

Leikarar: Jónína Björt Gunnarsdóttir, Vala Fannell og Katrín Mist Haraldsdóttir

Ljósahönnun/tæknimaður: Arnþór Þórsteinsson

Leikmynd og búningar: Sara Blöndal

Framleiðsla: Arna Kristín Sigfúsdóttir

 

Sýningin er samstarfsverkefni leikhópsins Artik og Leikfélags Akureyrar. Verkið er fyrsta frumsýningin í röð gróðurhúsaverkefna Leikfélags Akureyrar.

Verkefnið er styrkt af Mennta- og menningarmálaráðuneytinu og Uppbyggingarsjóði Norðurlands Eystra.