Frökenfrú er frumsaminn íslenskur einleikur eftir Birnu Pétursdóttur. Verkið kallast á við írska leikritið Misterman, eftir Enda Walsh og gerist á einhverskonar snertifleti íslensks og írsks raunveruleika. Frökenfrú gerist á örlagaríkum degi í lífi hinnar ungu Eddu og við sjáum hana glíma við eftirköst afdrifaríkra atburða í gráum hversdagsleika smábæjarins sem hún býr í.

Verkið verður sett upp á fjölum Samkomuhússins á Akureyri og verður fyrst í röð gróðurhúsaverkefna Leikfélags Akureyrar. Einleikurinn verður fluttur af Birnu og annast Sesselía Ólafsdóttir leikstjórnina. Þetta verk er liður í öðru leikári atvinnuleikhópsins Umskiptinga, en leikhópurinn var tilnefndur til Grímunnar sem Sproti ársins 2018. Umskiptingar hafa að þessu sinni fengið til liðs við sig einvala lið hljóð-, búninga-, sviðs-, myndbands-, ljósa- og grafískra hönnuða auk tónskálds.

Höfundur og leikkona: Birna Pétursdóttir

Leikstjóri: Sesselía Ólafsdóttir

Framleiðandi: Vilhjálmur B. Bragason

Leikmynd og búningar: Eva Björg Harðardóttir

Tónlist og hljóðmynd: Helgi Rafn Ingvarsson

Vídeóverk: Árni Þór Theodórsson

Ljósahönnun: Lárus Heiðar Sveinsson

Umbrot og hönnun leikskrár: Heiðdís Halla Bjarnadóttir

Ljósmyndari fyrir plakat: Auðunn Níelsson

Raddir

Mamma Eddu: Margrét Sverrisdóttir

Tómas:  Mateusz Swierczewski

Óskar: Jóhann Axel Ingólfsson

Rakel: Elísa Erlendsdóttir

Umskiptingar njóta stuðnings Uppbyggingarsjóðs Norðurlands eystra og Akureyrarstofu við uppsetningu leikverksins Frökenfrúar.