Projeto Brasil! Suðræn sveifla með Sigurði Flosasyni.

Projeto Brasil! er nýtt og spennandi samstarfsverkefni saxófónleikarans Sigurðar Flosasonar og sænska gítarleikarns Hans Olding. 
Þeir hafa nýlega sent frá sér samnefnda plötu í Svíþjóð sem fengið hefur frábæra dóma. Á henni er klassísk vinsæl brasilísk tónlist frá sjöunda og áttunda áratug síðustu aldar eftir  höfunda á borð við Antonio Carlos Jobim, Milton Nascimento og Vinicius DeMoraes. Einnig eru þar lög eftir höfuðpaura hljómsveitarinnar í svipuðum stíl.  

Aðrir hljómsveitarmeðlimir eru sænski slagverksleikarinn Ola Bothzén, danski kontrabassaleikarinn Morten Ankareldt og  íslenski sellóleikarinn Þórdís Gerður Jónsdóttir.  

Suðræn sveifla og valinn maður í hverju rúmi!

Miðasala er á mak.is og í miðasölu Menningarfélagsins í Menningarhúsinu Hofi. Miðasalan er opin frá kl 12-17 og þrjá klst. fyrir tónleika.