Frábærlega fyndinn, hraður og margrómaður gamanleikur - Leikfélag Akureyrar sýnir
37 leikrit á 97 mínútum með 3 leikurum, hvað getur farið úrskeiðis?
Sjeikspír eins og hann leggur sig er gamanleikrit á heimsmælikvarða. Hið nýstofnaða Sjeikfélag Akureyrar hefur meira af kappi en listrænu innsæi, eða staðgóðri þekkingu á verkum og ævi William Shakespeare, ákveðið að flytja öll verk skáldsins, 37 talsins, á 97 mínútum. Það er næsta víst að allt gengur ekki eins og það á að ganga og niðurstaðan eru hlátursprengjur og frussandi fyndin kvöldstund með tónlist og gleði.
Sjeikspír eins og hann leggur sig fór sigurför um heiminn í kjölfar þess að hafa verið sýndur í 9 ár í röð á West end í London. Verkið var geysivinsælt í sviðsetningu Leikfélags Íslands fyrir 17 árum í Iðnó og síðar í Loftkastalanum. Verkið hefur verið aðlagað og þýtt á ótal tungumál og nú hefur vandræðaskáldið Vilhjálmur Bergmann Bragason þýtt verkið og aðlagað uppá nýtt fyrir Leikfélag Akureyrar og nýstofnaðan leikhóp: Sjeikfélag Akureyrar. Hin frábæri dúett Vandræðaskáld hefur samið nýja tónlist fyrir verkið en þau hafa slegið rækilega í gegn með skemmtilegri tónlist og bráðhressandi sviðsframkomu. Enn er í fersku minni hnyttinn nýársannáll sem hefur fengið metáhorf á veraldarvefnum.
Sláist í för með þeim og upplifið öll verk Sjeikspír á ævintýralegum hraða eða afturábak með galsa, leikhúsbrellum, söng og tónum!
Sjeikspír eins og hann leggur sig er 325. sviðsetning Leikfélags Akureyrar.
Úr dómum:
“Stupendous, anchorless joy!” The Times of London
“Rollicking, fast-moving and hilarious!” The Guardian
Leikstjóri: Ólafur Egill Egilsson
Leikarar: Benedikt Karl Gröndal, Jóhann Axel Ingólfsson og Sesselia Ólafsdóttir
Höfundar: Adam Long, Daniel Singer og Jess Winfield
Þýðandi: Vilhjálmur Bergmann Bragason
Ljósahönnun: Ólafur Ágúst Stefánsson
Leikmynd, búninga- og gervahönnun: Brynja Björnsdóttir
Tónlist og tónlistarstjórn: Vandræðaskáld
Hljóðhönnun: Sigurvald Ívar Helgason
Hár, förðun, aðstoð við búninga og gervi: Soffía Margrét Hafþórsdóttir
Sviðs- og leikmyndavinna: Bjarki Árnason, Magnús Viðar Arnarsson, Jón Birkir Lúðvíksson
Ljósmyndir: Auðunn Níelsson