Dagsetning: 17.05.2019
Tími: 20:00
Salur: Samkomuhús

MUTTER COURAGE EFTIR Bertolt BRECHT

Áhugaverð og fersk sýning á ögrandi verki í uppsetningu nýútkskrifaðra leikara LHÍ.

Leikfélag Akureyrar, Þjóðleikhúsið og Listaháskóli Íslands taka höndum saman og standa að lokaverkefni leikarabrautar LHÍ. Frumsýning verður í Samkomuhúsinu á Akureyri ásamt sýningum í Kassanum í Þjóðleikhúsinu. Níu leikarar munu útskrifast með B.A.-gráðu í leiktúlkun eftir að hafa lokið þriggja ára námi sem veitir grunn í fræðilegri þekkingu og leiktækni til að takast á við störf í fagumhverfi sviðslista.

 

Útskriftarefni leikararbrautar LHÍ í samstarfi við tónlistadeild 2019 frumsýnir 

MUTTER COURAGE EFTIR BERTOLT BRECHT 

í leikstjórn Mörtu Nordal.

 

Mutter Courage er talið með bestu leikverkum 20. aldarinnar, og er eitt kröftugasta stríðsádeiluverk sögunnar.  Það er viðeigandi að bekkur sem samanstendur að þremur fjórðu hlutum af konum rýni í þetta verk. Mutter Courage er mikil ádeila á stöðu konunnar í stríði, konunnar sem fær engu um framgang stríðsins ráðið en er fórnarlamb þess engu síður og missir allt sitt. Verkið á vel við þessa ungu kynslóð sem hefur verið í oddaflugi síðustu kven- og mannréttindabyltingar, þeirri er enn stendur yfir. Boðskapur hennar er einfaldur. Allir eru jafnir að verðleikum. 

Verkið verður frumsýnt í Samkomuhúsinu á Akureyri 9. maí,  í Kassanum í Þjóðleikhúsinu 16.maí og er unnið í samstarfi við Leikfélag Akureyrar og Þjóðleikhúsið. Sýningar hefjast kl. 20. 

Útskriftarefnin sem taka þátt í uppfærslunni eru þau; Ásthildur Úa Sigurðardóttir, Berglind Halla Elíasdóttir, Gunnar Smári Jóhannesson, Hildur Vala Baldursdóttir, Jónas Alfreð Birkisson, Rakel Ýr Stefánsdóttir, Steinunn Arinbjarnardóttir og Þórdís Björk Þorfinnsdóttir 

Sævar Helgi Jóhannsson útskriftarefni í tónsmíðum frá tónlistardeild semur og flytur tónlist í verkinu. 

 

Listrænir aðstandendur: 

Leikstjóri: Marta Nordal  

Leikmynd og búningar: Auður Ösp Guðjónsdóttir

Ljósahönnun: Ólafur Ágúst Stefánsson  

Leikmyndasmíði og tækni: Egill Ingibergsson  

Aðstoðarleik - og sýningarstjóri: Anna Katrín Einarsdóttir 

 

Enginn aðgangseyrir - allir velkomnir


Sýningin er samstarfsverkefni Listaskóla Íslands, Þjóðleikhússins og Leikfélags Akureyrar.