Listahátíð VERÐANDI 2021

Í tilefni 10 ára afmælis Menningarhússins Hofs er auglýst eftir umsóknum í Listsjóðinn VERÐANDI fyrir viðburði fyrir Listahátíð VERÐANDI sem fram fer í Menningarhúsinu Hofi helgina 13. - 14. febrúar 2021.

Sjóðurinn veitir styrki til kostnaðar vegna afnota af salarkynnum, tæknibúnaði og tækniþjónustu. Menningarhúsið Hof sér um kynningu á hátíðinni í heild. Ágóði hátíðarinnar rennur óskiptur til þátttakenda/styrkþega VERÐANDI. Nánari upplýsingar um skipting ágóða hátíðarinnar má sjá í umsóknareyðublaðinu.

Helstu markmið sjóðsins eru að auðvelda ungu listafólki og þeim sem standa utan stofnanna að nýta sér þá fyrirmyndar aðstöðu sem Hof hefur uppá að bjóða, stuðla að fjölbreytileika í listviðburðum í húsunum og nýta möguleika þeirra sem best.

VERÐANDI er samstarfsverkefni Akureyrarbæjar, Menningarfélagsins Hofs og Menningafélags Akureyrar.

Umsóknarfresti lauk 21. júní. Við munum auglýsa aftur eftir umsóknum um mánaðarmótin september/október - fylgist með hér.

Síðustu auglýsingu VERÐANDI listahátíðar má sjá HÉR