15. MARS KL. 11:00| MENNINGARHÚSIÐ Hof
Barnamorgun Menningarfélags Akureyrar
Menningarfélag Akureyrar og Húlladúllan bjóða börnum á aldrinum 8-12 ára að spreyta sig á sirkuslistum. Þemað í þetta skiptið eru leyndardómar jafnvægislistanna. Við munum að halda jafnvægi á bæði töfrafjöðrum og kínverskum snúningsdiskum og svo allskonar óhefðbundnum áhöldum. Við munum líka láta reyna á okkar eigið jafnvægi á veltibrettum.
Húlladúllan er Unnur María Máney Bergsveinsdóttir. Hún er sjálfstætt starfandi sirkuslistakona, búsett á Ólafsfirði. Hún hefur starfað með Sirkus Íslands og breska sirkusnum Let’s Circus og hefur komið fram á ýmsum sirkussýningum í Frakklandi, Bretlandi og í Mexíkó. Hún elskar að kenna bæði börnum og fullorðnum allskonar skemmtilegar sirkuslistir.
Norðurorka er styrktaraðili Barnamorgna Menningarfélags Akureyrar.