LEIKLISTARSKÓLI LEIKFÉLAGS AKUREYRAR

Leiklistarskóli Leikfélags Akureyrar býður alla krakka velkomna í faglegan og skemmtilegan leiklistarskóla fyrir börn  og unglinga í  2.-10. bekk grunnskóla.  Í skólanum læra börnin öll helstu undirstöðuatriði leiklistar en fyrst og fremst miðar námið að því að nemendur byggi upp sjálfstraust, hugrekki, aga og tækni, allt með gleðina í fyrirrúmi. Í vetur verða hóparnir ekki stærri en 8-10 börn til að mæta þörfum nemenda betur. Allir kennarar skólans eru fagmenntaðir á sviði leiklistar.

Haustönn 2019 hefst 9. september. Önnin er 12 vikur og lýkur með sýningu fyrir aðstandendur í Samkomuhúsinu 7. - 8. desember 2019. Aukaæfingar fyrir loksýningu fara fram í Samkomuhúsinu 30. nóvember - 1. desember 2019.

Í vetur verða fjögur stig við skólann; fyrsta-, annað-, þriðja- og fjórða stig. Frekari upplýsingar um stigin og tímasetningar má finna hér til vinstri. Þar fara einnig skráningar fram.

Athugið að tímasetningar fyrir hópana hafa breyst enda erum við alltaf að vinna í því að bæta okkur og koma til móts við börnin, foreldrana og kennarana.
Einnig getur hópum fækkað eða fjölgað eftir aðsókn í skólann.

Kennsla Leiklistarskóla Leikfélags Akureyrar á haustönn 2019 fer fram í Ungmennahúsinu á 4. hæð Rósenborgar.

Skólastjóri Leiklistarskóla Leikfélags Akureyrar er Jenný Lára Arnórsdóttir
Allar nánari upplýsingar um Leiklistarskóla Leikfélags Akureyrar má nálgast með því að senda fyrirspurnir á netfang skólans, lla@mak.is
 

Hægt er að innrita nemendur í Leiklistarskóla Leikfélags Akureyrar HÉR