Dagsetning: 06.11.2016
Tími: 14:00
Salur: Hamrar

Meðal fólksins er vettvangur minn

100 ára fæðingarafmælis skáldsins Kristjáns frá Djúpalæk verður minnst með dagskrá sunnudaginn 6. nóvember kl. 14 í Hömrum í Menningarhúsinu Hofi en Kristján fæddist 16. júlí 1916.

 

Fram koma kammerkórinn Hymnodia sem flytur nokkur laga skáldsins, vandræðaskáldin þau Sesselíja Ólafsdóttir og Vilhjálmur B. Bragason flytja nokkur verka skáldsins í tali og tónum, söngkonan Jónína Björt Gunnarsdóttir og píanóleikarinn Daníel Þorsteinsson flytja lög úr Pílu pínu, Aðalbjörg Bragadóttir flytur erindi um sérstöðu ljóðagerðar Kristjáns og Héraðsskjalasafnið kynnir fyrirhugaða sýningu safnsins um skáldið og verk hans.

 

Dagskráin er unnin í samvinnu Amtsbókasafnsins, Héraðsskjalasafnsins, Minjasafnsins á Akureyri, Akureyrarstofu og Menningarfélags Akureyrar.

 

Enginn aðgangseyrir og allir hjartanlega velkomnir.