Grýla er ekki í góðu skapi. Hún er heimilislaus. Það er búið að bora gat í gegnum heimilið hennar og allt er á floti. Nú þarf hún að finna sér nýja íbúð, helst með heitum potti og gæludýr verða að vera leyfð. Hún segist vera löngu hætt að borða börn og að það eigi allt sér sínar útskýringar. En Lögreglan á Akureyri vill ekki leyfa henni að flytja í bæinn, nema krakkarnir samþykki það. Því hefur Grýla boðað börnin í bænum á íbúafund í Samkomuhúsinu. 

 

Jólasveinarnir og hinir krakkarnir eru öll flutt að heiman. Jólakötturinn harðneitar að hafa nokkurntíma borðað börn. Leppalúði er bakveikur og Grýla er búinn að æfa sig á gítarinn. Komdu og upplifðu ævintýraheim Grýlu, sem er sprenghlægilegur og stórhættulegur í senn.

 

Grýla er 317. sviðsetning Leikfélags Akureyrar 

Aðalhlutverk: Saga Garðarsdóttir

Leikstjóri: Gunnar Gunnsteinsson