Hönnunarverslunin Kista

Full Kista af alls kyns varningi

Kista er verslun á jarðhæðinni í Hofi.  Þar má finna varning af ýmsu tagi, bæði eftir íslenska og erlenda hönnuði.  Reynt er að hafa vöruúrvalið fjölbreytt þannig að sem flestir geti fundið eitthvað við sitt hæfi. Íslensk hönnun er kjörin gjöf og starfsfólk Kistu aðstoðar gjarnan við val á gjöf sem hentar við hvert tilefni fyrir sig. Einnig má finna örútibú frá 12 Tónum í versluninni.

Mikil gróska er um þessar mundir á íslensku handverki og hönnun.  Kista er stolt af því að styðja við þá þróun og bjóða upp á íslenska hönnun. Einstaklega ánægjulegt er að geta boðið upp á norðlenska hönnun í Menningarhúsinu Hofi á Akureyri. 

Eigandi Kistu er Katrín Káradóttir og hún hvetur alla skapandi hönnuði  til að hafa samband. Netfang Kistu er kista@kista.is.

Í Kistu finnur þú spennandi íslenska hönnun og fjölbreytta gjafavöru – komdu og kíktu.